”Таза Қазақстан” жалпыұлттық экологиялық акциясы аясында Қаратау мемлекеттік табиғи қорығының қызметкерлері мен Байылдыр ауылындағы С.Қожанов атындағы № 9 жалпы білім беретін мектеп оқушыларының қатысуымен  контейнерлерге тұқымдарды отырғызу арқылы көшет алу іс-шарасын өткізді. Іс-шара барысында 150 дана ыдысқа боз арша мен кәдімгі қарағай тұқымдары егілді және 50 түп боз арша көшеттері арнайы қораптарға отырғызылды. Көктем мезгілінде арнайы қораптарға отырғызылған көшеттер мектеп ауласына ауыстырылып отырғызылады. Іс-шараға барлығы 100 адам қатысты.