Қаратау қорығының 20  жылда  жеткен  жетістіктері  жайлы  көптеген  баспалардан, инстаграмнан, фейсбуктан  жие көрсетілуде. Қаратау мемлекеттік табиғи қорығының құрылуының басты мақсаты осы Қаратау жотасының эндемигі Қызыл кітапқа енгізілген жойылып кету қауіпі төнген аратау арқарының популяциясын сақтап қалу, 

сонымен қатар қарт қаратаудың эндемді өсімдіктерге бай қорын қалыпына келтіріп сақтау болатын. Қазіргі таңда арқардың саны  38 бастан 20 жылда 1525 басқа жетіп отыр. Дегенмен былтырғы жылы қорыққа ауыр жыл болды, 20 жылда болмаған өрт оқиғасы орын алды. Осы өртті өшіруге күн-түнге қарамай ат салысқан Түркістан облыстық төтенше жағдайлар бөлімінің, Кентау, Түркістан, Созақ аудандық өрт сөндіру бөлімдерінің, Созақ орман шаруашылығы мекемесінің  қызметкерлеріне,  Хантағы, Байылдыр, Ащысай ауыл азаматтарына, Ауыл імшіліктеріне, өзіміздің мекеменің жұмысшылары мен қызметкелеріне  табиғатқа істеген жақсылықтары үшін рақмет айтамыз. Қазіргі таңда қорықтың алға қойған мақсаттары қорық аумағының көлемін  34300 га дан 56399,6 га дейін ұлғайту. Сонымен қатар туризмді дамыту мақсатында Хантағы тауы маңына көріп тамашалау орталығы Визит центр салу  жоспарланған.

Директордың орынбасары                     Ш. Жанатаев